Мектеп директорының "Мен патриотпын" атты өткізген тәрбие сағаты

Білім сабағы “Мен – Өз Елімнің Патриотымын!”
Жалпы патриот деген кім, патриотизм едегенді қалай түсінеміз?
Патриот – Отанын, халқын, жері мен суын шынайы сүйетін, халық мүддесі үшін бар күш-жігерін, қабілетін аямайтын адам. Олар – өз Отанының жалынды патриоты, қай кәсіпте, қай салада жүрсе де, елінің қамы үшін еңбек етіп жүрген әрбір азамат – елінің озаты, мақтанышы, патриоты. Өз Отанын, халқын шексіз сүюшілік – барша күш жігенрін Отан мүддесіне арнаған адамға тән терең сезім.
« Отан отбасынан басталады» демекші патриоттық сезімді дамыту да осы жерден, яғни отбасыларыңнан, мектептен басталмақшы. Біздің алға қойған мақсатымыз, өткенімізді білетін, бүгінді түсінетін, ертеңге сеніммен қарайтын азамат болып өсу емеспе, олай болса назарларыңызға « Мен өз елімнің патриотымын» атты білім сабағын ұсынамын.
Мақсаты: – Оқушыларды Ұды дала елін сүюге, құрметтеп қастерлеуге, өз елінің тарихын білуге , бай — қуатты ел екендігін мақтан етуге үйретіп, туған еліне, жеріне деген сүйіспеншілігін арттырып, махаббат сезімін ояту;
– Оқушылардың таным белсенділіктерін,қызығушылықтарын дамыту. Ойларын жүйелі түрде жеткізе білу, шығармашылықпен жұмыс жасап, мағынасын түсіне білу дағдыларын дамыту.
– оқушыларды ұлтжандылыққа, атамекенін көздің қарашығындай сақтай білуге, патриоттық сезімге тәрбиелеу;
Көрнекілігі: Мен – Өз Елімнің Патриотымын тақырыбында слайдтар, видео ролик
Барысы:
Негізгі бөлім: – Cәлеметсіздерме құрметті оқушылар! Бүгінгі білім сабағымызда Елбасымыз Н.Ә.Назарбаевтың сөзімен бастағалы отырмын «Еліңнін ұлы болсаң, еліңе жаның ашыса, азаматтық намысың болса, қазақ тың ұлттық нағыз мемлекетінің нығайып – көркеюі жолында жан теріңді сығып жүріп еңбек ет. Жердің де елдің иесі өзің екеніңді ұмытпа»
Елбасының «Қазақстанның үшінші жаңғыруы: жаһандық бәсекеге қабілеттілік» атты Жолдауы бойынша
Төртінші басымдық – адами капитал сапасын жақсарту.
Бірінші. Ең алдымен, білім беру жүйесінің рөлі өзгеруге тиіс. Біздің міндетіміз – білім беруді экономикалық өсудің жаңа моделінің орталық буынына айналдыру. Оқыту бағдарламаларын сыни ойлау қабілетін және өз бетімен іздену дағдыларын дамытуға бағыттау қажет.
Сонымен бірге, IT-білімді, қаржылық сауаттылықты қалыптастыруға, ұлтжандылықты дамытуға баса көңіл бөлу керек. Қала мен ауыл мектептері арасындағы білім беру сапасының алшақтығын азайту қажет.
Біз армандарды ақиқатқа айналдырдық.
Олай болса әлем қарқынды түрде өзгеріп келеді.
Бұл – жаңа жаһандық болмыс, оны біз қабылдауға тиіспіз

Оқушыларды топ-топқа бөлу үшін қағаздарға топ аттары жазылып жасырылады. Кім қай топты таңдаса, сол топқа кіреді.
1 топ Отаншыл
2 топ Намысшыл
3 топ Білімді
Ой шақыру.
Мұғалімнің сөзі:
-Отан – әр адамның жүрегіне жылы тиер қасиетті сөз. Отан –сенің туған елің, туған жерің, дос –жарандарың, туған туысқаның. Отан-бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді.Біз Отанымызды, елімізді сүйеміз.
– Отан туралы Қазақстан Республикасының елбасы Н.Ә.Назарбаевтың жазғанын тыңдаңдар:
( Қ.Республикасының Президенті Н.Ә.Назарбаевтың портретін көрсете оқу)
Отансыз адам – қай жерде жүрсе де бейшара адам. Өзіңнің еліне, Отанына, жеріңе, ата-бабаңның төккен қаны мен теріне адал болуың керек. Қайда жүрсе де, не істесе де қазағын-елін ойлап, осыны көркейтсем, кіндік қаным тамған елім аман болып, оның дәрежесі жоғары болса, қай мемлекетке барсам да мені сыйлайды деген түсінікте болу керек.
(Нұрсұлтан Назарбаев)
Отан деген не?
(Балалардың пікірлері)
– Отан – бұл біз тұрып жатқан жер. Біздің туып, өскен ауыл. Отан- бұл біздің ата- әжеміз, әке-шешеміз, туыстарымыз.
– Дұрыс, Отанына деген сезім – әр азамат үшін ең маңызды сезім. Оны алуан шығармалар, өлеңдер, суреттер арқылы сезінуге болады. Дарынды ақындар, суретшілер, музыканттар өз туған жерінің ғажайып табиғатын, сұлулығын көптеген өлеңдер, суреттер, музыкалық шығармалар арқылы мақтан етіп жазған.


2 Мағынаны таңдау.
Үш топқа қағаз таратылады оқушылар берілген қағазға топ атына сай болу үшін қандай болу керектігін жазады, топтан бір оқушы шығып түсіндірп өтеді.
Мысалы: отаншыл болу үшін не істеу керек? оз отанын сүю т.б.

Постер қорғау «Патриот деген ол ….»
•Әскери міндетке жауапкершілікпен қарау;
•Туған жерге деген ыстық сезім;
•Ата- баба өсиетіне адал болу;
•Өз Отанын күшті, айбынды ету, гүлдендіруге ұмтылу;
•Бойындағы күш- қуаты мен білімін Отан игілігі мен мүддесі үшін жұмсау;
•Ана тіліне деген құрмет;
•Өз халқының әдет- ғұрпын және салт- дәстүрін құрметтеу;
•Елдің тарихын құрметтеу;
•Қазақстанда мекен ететін халықтарға деген құрмет сезім;
•Өз халқының әлеуметтік, мәдени жеңістері үшін мақтану;
•Мемлекеттік рәміздерге құрметпен қарау;
•Заңға бағыну;
•Үкіметті сыйлау;
•Қандай да бір қастандық әрекеттерден Отанын қорғауға дайын болу;
•Туған жерге, ата- бабасы жатқан жерге құштарлық;
•Республиканың экономикалық, қорғаныстық әлеуетін тыңбай нығайту;
•Басты байлығымыз – табиғат пен қоршаған ортаны гүлдендіру
3.Сұрақ –жауап
Сұрақтары.
1.ҚР елтаңбасында не бейнеленген? – (тұлпар ,шаңырақ,жұлдызша.күн
2.Қазақстан өз тәуелсіздігін қай жылы алды? – (1991 жыл 16 желтоқсан)
3.«Отан қорғау» дегенді қалай түсінесің?
4.Қазақстан қандай мемлекеттермен шектесіп жатыр?. Қытай, Ресей, Қырғыз, Өзбек, Түрікменстан, Әзірбайжан республикаларымен
5.Әнұранның авторларын ата? – (Ш.Қалдаяқов,Ж.Нәжмединов,Н.Назарбаев.)
6.ҚР тұңғыш президенті кім? – (Н.Н.Әбішұлы)
7.ҚР неше облыс бар? – (14 облыс)
8.Қазақ хандығының құрылғанына неше жыл?
9.Тұңғыш қазақ ғарышкері кім? – (Тоқтар Әубәкіров)
10.Конституция күні? – (30 тамыз)
11.Облысымыздан шығатын газет? –
12.ҚР тәулсіздігін алғанына биыл неше жыл толады?
“ Туған жеріңе не бересің? ” (Ой бөлісу)
– Сендер тұрып жатқан жер, (Несімен көрікті, немен бай?)
Ағаш – адамның күнкөрісіне қажет және рухани өмірде ерекше орын алатын табиғат нысаны. Тәуелсіз Қазақстанның болашағы сендерсіңдер! Еліміздің көркейуіне, гүлденуіне «Туған жеріңе не бересің? ”ой бөлісу арқылы өз үлестеріңді қосыңдар.
– Міне, сендерге қарағай ағашын дайындадым.
– Ағашқа не жетіспейді? жапырақтары
– Сендердің парталарыңда жапырақтар жатыр. Дайын тұрған жапыраққа «Туған жеріңе не бересің?» сұрағының жауабын жазып, оқып, қарағай терегіне ілеміз. Мысалы: әдемі үй салу…).
( Жұмыс аяқталған соң, жапырақтарды жинап, ағашқа әр бала жапырағын іледі.)
8.Жақсылық –рефлексия
(Балаларды ортаға шақырып, шеңбер құрастыру)
– Менің қолымда ақ түсті бір шүйке жіп. Қазір мен оны шеңбер бойы жіберемін. Қолға түскен жіпті саусаққа орап, алысқа жетелейтін армандарыңды тілеңдер. (Жіп мұғалімге келеді.)
– Бізбен жіп не істеді?
– Қалай ойлайсыңдар, бұл жақсылықтың белгісі ме? (Балалардың пікірі)
– Дұрыс, жіп бізді біріктірді. Әрқашанда бірге болуымыз керек, бір-бірімізге көмектесуіміз керек. Бір шаңырақ астында тату өмір сүруіміз керек. Мектепте болып жатқан әр түрлі шаралардан қалыспауға, өзіміздің үлесімізді қосуға ұмтыламыз. Қазақ халқының дәстүрін, тілін құр¬меттеп, еліміздің өсіп-өркендеуі жолында тынбай еңбек еткенде ғана, еліміз де көркейіп, гүлденеді.
Бүгінгі білім сабағымызды Н.Ә.Назарбаевтың сөзімен аяқтағым келіп тұр: “ Өз Отанының патриоты болу – Қазақстанды өз жүрегінде ұялату ”.