Халықаралық қарттар күні

Халықаралық қарттар күні - бұл аталар мен әжелердің, ата- аналардың, бір- бірінің қадірін білетін жақын адамдардың мерекесі. Қазан айының 2 күні №35 Жалпы орта білім беретін мектебінің оқушылары жетекшісі директордың тәрбие ісі жөніндегі орынбасары Қарлыға Қ. Н. ұйымдастыруымен ауыл қарттарымен кездесу өтті. Кездесу барысында “Қартын сыйлаған елдің қазынасы мол” демекші оқушыларға қарттарымызды сыйлау, құрметтеу насихатталды. Ортамызда жүрген қарияларымыздың бір кездері елі, халқы, келешек ұрпағы үшін жасаған игі істері, еңбектері туралы айтылды. 
    Қарттар күні саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан алдыңғы буын ата-әжелеріміздің төл мерекесі. Олардың өмір жолы бүгінгі ұрпаққа табылмас қазына. Қарттарымызды ардақтап өтейік, сылайық, қадірлейік!